Ano ang unang kabihasnan ng tsina Please note both question and answer appear to be in Tagalog I apologize if I have incorrectly identified the language?

Answer 1

Ang Sinaunang Kabihasnan ng Hsia at Shang ng Tsina

Si Prinsipe Yu ang pinaniniwalaang unang prinsipe ng maalamat na Dinastiyang Hsia (2205-1766 BK). Sinasabing nilalabanan ni Prinsipe Yu ang napakalakas at rumaragasang ilog upang ipagtanggol laban sa mapaminsala at malaking baha ang kanyang nasasakupan. Mula sa pangyayaring ito nabuo ang kabihasnan ng mga Tsino: "Kung Hindi dahil kay Yu, lahat sana tayo ay naging isda.".

Ang kasaysayan ng pinagmulan ng kabihasnan ng Tsina ay magkahalong katotohanan at alamat. Hindi matiyak kung totoong si Prinsipe Yu ang nagtatag ng dinastiyang Hsia noong 2205 BK. Maaaring ang tinutukoy na dagat na nilabanan ni Prinsipe Yu ay ang Hwang Ho o Dagat na Dilaw na matatagpuan sa Hilagang Kanlurang Tsina kung saan nagmula ang mga sinaunang sibilisasyon ng Hsia at Shang.

Ang Hwang Ho ang pinagkukunan ng tubig na pang-irigasyon sa mga karatig na lugar sa rehiyon. Ito ay madalas umapaw at sa bawa't pagkakataon, natatangay ang matabang lupa na kung tawagin ay loess. Ang loess ay mabuhangin at madaling tamnan bagama't ito ay madaling matangay ng malakas na hampas ng alon. Dahil dito, gumawa ang mga sinaunang Tsino ng paraan upang mapigilan ang pag-apaw ng tubig.

Makaraan ang sunod-sunod na pagpapalit ng pamunuan ng Dinastiyang Hsia, bumagsak ang imperyo dahil sa kabuktutan ng pinakahuling hari nito. Sumunod na naitatag ang Dinastiyang Shang.

Marami ring pagkakatulad ang Shang sa Dinastiyang Hsia tulad ng disenyo at materyales ng mga gusali. Natagpuan din sa mga paghuhukay sa mga sentrong dalawang kaharian ang mga buto na ginamit na talisman at maging panggagamot.

Mas marami ang kaalaman tungol sa kaharian ng Shang dahil nang panahong iyon nalinang ang sistema ng pagsulat. Ang mga buto ng hayop at bahay ng pagong ay inukitan ng mga simbolo. Isinulat ng mga paring Shang ang kanilang mga katanungan sa mga tipak ng bato o sa talukap ng mga pagong. Pinapainit ang mga batong ito at ang mga lumabas na mga guhit ang siyang binabasa. Ipinalalagay na ang sistema ng pagsulat na ito ang siyang batayan ng kaligrapiya, ang sistema ng pagsulat ng makabagong Tsina.

Ayon sa mga talaang natagpuan sa lugar ng kaharian ng Shang, ang mga hari ay gumanap din bilang pari. Ito ang dahilan kung bakit sila ay naging pinakamakapangyarihan sa buong kaharian. Naniniwala ang mga Tao na ang mga hari ay itinalaga ng langit upang sila ay pamunuan at pamahalaan. Ang konseptong ito ay tinawang na "mandato ng langit" na naging batayan ng paghahari ng mga dinastiya. Ang mga pinunong ito ang nangunguna sa pagaalay upang humingi ng tulong sa kanilang diyos.

Napag-alaman din na ang mga pinuno ay binubuo ng mga naghaharing pamilya, mga opisyal sa korte ng kaharian kabilang yaong may mga kapangyarihang mistikal, at mga tagpayo ng buong pamilya ng hari. Sila ay naninirahan sa kapitolyo ng kaharian. Samantala, ang mga karaniwang mamamayan na kinabibilangan ng mga magbubukid at ng kanilang pamilya ay nakatira sa mga katabing nayon.

Limang ulit na inilipat ang kapitolyo ng Dinastiyang Shang. Ang huling sentro ng dinastiya ay ang Anyang na NASA probinsya ng Honan. Dito nakaluklok ang trono ng hari. May maliliit na kahariang malayo sa Honan na Hindi kontrolado ng imperyo. Gayunpaman, ang mga ito ay nagpapadala pa rin ng regalo sa hari bilang pagkilala sa kanyang kapangyarihan.

Ang madalas na paglipat ng kapitolyo ng kaharian ay iniuugnay sa palagiang pag-apaw ng Hwang Ho. Ang mga ritwal, na minsan ay may kasamang pag-aalay ng buhay ng Tao, ay isinasagawa ng mga pari ng Shang upang hilingin sa mga diyos na pakalmahin ang dagat.

Naging problema rin ng haring Shang ang tagtuyot. Batay sa mga bato na natagpuan sa lugar ng dating kaharian, itinatanong ng mga pari sa mga diyos kung makasasapat ang dami ng tubig na dala ng ulan para sa pagtatanim.

Laganap din ang pagsamba sa mga ninuno noong panahon ng Shang. Naniniwala ang mga Tsino nang panahong ito na may dalawang uri ng kaluluwa ang Tao ang isa ay naiiwan sa mundo samantalang ang isa ay nagpupunta sa mundo ng mga ispiritu. Ang kaluluwa na naiiwan samundo ay kinakailangang pangalagaan at busugin ng mga alay. Ito ang dahilan kung bakit ang mga kamag-anak ng namatay ay nag-aalay ng pagkain at iba pang bagay na maaaring kailanganin ng kaluluwa. Hanggang sa kasalukuyan ay ginagawa ito ng mga Tsino. May mga bangang bangang gaw sa bronse na ginamit sa pag-aalay sa mga kaluluwa ng namatay na ninuno ang nagtagpuan sa dating libingan noong panahon ng Shang. Bumagsak ang Dinastiyang Shang noong 110 BK sa Hindi malinaw na kadahilanan. Ayon sa mga historyador, ang mga pinuno ng Shang ay pinatalsik ng mga dating sakop nito. Para sa mga nasasakupan ng Shang, ang pagkatalsik ng mga hari ay nangangahulugan ng pagpapalit ng "mandato ng langit."