Tungkol sa ibong adarna

Answer 1

Buod :

Sa mapayapang kaharian ng Berbanya, ang taong mahihirap at

mayayaman ay nakapagtatamo ng mga pagpapala mula sa kanilang Haring Fernando.

Siya ay makatarungan at makatao. Katuwang nya ang kanyang maybahay na si Donya

Valeriana sa paglalakad sa kaharian. Sila ay may tatlong anak. Ang panganay ay si Don

Pedro, ang ikalawa ay si Don Diego at ang bunso ay si Don Juan. At sila'y Hindi sakim sa

kayamanan at kapangyarihan.

Isang gabi, habang natutulog ang haring Fernando, nagkaroon sya ng

masamang panaginip at sya ay nagkasakit. Ang kanyang panaginip ay tungkol kay Don

Juan na sya daw ay inihagis sa isang balong malalim ng dalawang lalaki. Kinabukasan,

natigatig ang buong kaharihan sa pagkakasakit ng haring Fernando at kapanglawan ang

naranasan ni Donya Valeriana. Tanging lunas lamang sa kanyang karamdaman ay ang

awit o ang hiwaga ng Ibong Adarna. Kaya't ipinatawag ng hari ang kanyang tatlong

anak na sina Don Pedro, Don Diego, at Don Juan. Naatasan ng hari si Don Pedro na

hulihin ang Ibong Adarna na matatagpuan sa Bundok ng Tabor. At sumunod kay Don

Pedro ay Si Don Diego.

Pagkalipas ng 3 taon, Hindi pa nakbabalik ang 2 prinsipe. Nabahala ang

Haring Fernando at isinugo niya ang kanyang bunsong anak na si Don Juan, ngunit Sya

ay nagbulay-bulay kung papayagan nya ito baka kasi magkakatotoo ang kanyang

masamang Panaginip. Ngunit, napumilit si Don Juan na hanapin ang ibong adarna. Kaya

pala Hindi na nakabalik ang dalawang prinsipe dahil wala silang galang, dahil Hindi nila

tinulungan ang matandang ketongin

nangangailangan ng tulong kaya Hindi rin niya tinulungan ang dalawa, at dahil marahas

nilang kinuha ang ibong adarna at Hindi sila nagtagumpay, at dahil nakatulog sila sa awit

ng Ibong Adarna at umipot ang Ibong Adarna, napagkitito sa dalawang prisipe, kaya sila

naging bato.

Sa paglalakbay ni Don Juan ay nakasalubong niya ng isang

matandangKetongin na humihingi sa kanya ng pagkain at dahil sa kabusilakan ng puso

ni Don Juan, Ibinigay nya ang pinakahuling tinapay na kanyang baon, at dahil dito,

tinulungan ng Ketongin si Don Juan kung papano makukuha ang ibong adarna. Sinabi

nito na mayroong isang maliit na bahay kung saan nakatira ang isang ermitanyo na

magbibigay sa kanya ng kaalaman kung papano nya matatalos ang pag-huli sa ibong

Adarna. At binilin ng matanda na huwag syang makikinig sa nakakaakit na awit ng ibon

at huwag syang hihimlay sa isang puno na kaiga-igaya ang anyo.

At nagtungo si Don Juan sa bahay ng ermitanyo, pinatuloy naman si Don

Juan sa bahay ng ermitanyo at inanyayahang kumain. Nagulat si Don Juan nang makita

ang pagkain na inaalok ay ang kanyang tinapay na na ibinigay sa isang ketongin. Kaya't

inisip ni Don Juan na ang ermitanyo at ang ketongin ay iisa. Binigyan ng ermitanyo si

Don Juan ng pitong dayap, matalim na bahala, at gintong sintas. At kanyang sinabi na

tuwing aawit ang ibon, kailangan nya sugatan ang katawan at patakan ng katas ng dayap

ang sugat upang di sya makatulog. Kailangan din nyang umiwas kung ang ibon ay

umipot pagkatapos umawit ng pitong awit ang ibon. At kapag nahuli nya ang Ibong

Adarna, dapat talian nya ito ng gintong sintas na ibinigay sa kanya ng ermitanyo.

Sinunod lahat ni Don Juan ang bilin ng ermitanyo, dinakma nya ang

I

bon at nag tagumpay sya sa pag huli sa Ibong Adarna at dinala nya ito sa ermitanyo at

inilagay sa isang awla. Kaya nailigtas rin nya ang kanyang dalawang kapatid. Nang

pauwi na silang tatlo, nainggit ang dalawa kay Don Juan at binalak nilang bugbugin si

Don Juan sa pag-iimbot na sila ang maparangalan at ito ay nangyari. Kinuha nila kay

Don Juan ang ibon upang lumabas na sila ang nakahuli. At bumalik na sila sa palasyo.

Samantala si Don Juan ay nawalan ng Malay, sya'y Hindi makahuma at

may isang matanda ang tumulong sa kanya. Samantala ayaw umawit ng ibong darna sa

palasyo, at nang dumating si Don Juan, biglang umawit ang ibong adarna, at sinabi ng

ibong adarna ang ginawa ng dalawang prinsipe kay Don Juan. Nagalit ang hari sa ginawa

ng magkapatid at ipinatapon sila ngunit nakiusap si Don Juan na patawarin ang dalawa,

at pintawad nga sila ng hari.

Nagpasya ang hari na pabantayan ang ibon at maghalinhinan ang kanyang

mga anak sa pagbabantay. Pagdating ng gabi, pinakawalan at naparam Nina Don Pedro

at Don Diego ang ibon at sinisi nila si Don Jan dahil sya daw ang nagbabantay, at

ipinahanap sya ng hari sa kanyang dalawang anak. Natagpuan nila ang kapatid sa

Armenya. At isang araw nalinlang nila si Juan at at pinababa sa isang malalim na balon.

Dito nakilala ni Juan sina Donya Juana, at Donya Leonora. At iniligtas nya ang mga ito

sa kamay ng higante at mga serpiyente.

Tinangay Nina Pedro at Diego sina Leonora at Juana, sa kabila ng Hindi

Pagsangayon ng mga dilag, at iniwan nila ni Don Juan. Malawak na kapatagan, ilog, at

Batis ang binagtas ni Juan. Sa pagkakatulog ni Juan, dumating ang Ibong Adarna at

pinukawnya, sinabi ng ibon na kalimutan na niya si Leonora dahil may Maria Blancang

karapatdapat at nag-aangkin kay Don Juan at siya ay matatagpuan sa kaharian ng

Reyno de los Crystal na pinamumunuan ng ama ni Maria Blanca na si Haring Salermo.

Pinuntahan ni Don Juan ang kaharian ng Reyno de los Crystal at nagulat

ito dahil sa sobrang kinang ng mga bagay, at nakilala nya si Maria Blanca. Nagkaibigan

sila subalit maraming pagsubok ang dinaanan ni Juan upang makamit nya ang kamay ni

Maria Blanca. Si Juan ay nagtagumpay dahil na rin sa tulong ni Maria Blanca na may

taglay ng mahiwagang agimat at nabihag nya ang puso ni Maria Blanca. Sila ay nagtungo

na sa kaharian ng Berbanya upang maipakilala ni Juan si Maria Blanca sa kanyang mga

magulang.

Pagdating nila sa palasyo ng Berbanya, ay iniwan muna ni Don Juan sa

labas , si Don Juan ay sinalubong ang kanyang mga magulang na galak na galak. Nagkita

sina Don Juan at Donya Leonora sa palasyo sila ay nagtitigan at parang naglaho sa isipan

ni Don juan si Maria Blanca. Para syang namalikmata kay Leonora at humingi sila ng

pahintulot sa Haring Fernando na magpakasal sa lalong madaling panahon. Talos at tatap

lahat ni Maria Blanca ang nagaganap. Pinaandar nya ang kanyang mahika at pumasok

siya sa loob naparang isang emperatriz. Namangha ang lahat sa kanya, ni si Don juan ay

Hindi sya nakilala.

Dahil sa akala ni Maria Blanca na pinagtaksilan siya ni Don Juan siya ay

Nagalit, nagpamook sina Don Juan at Maria Blanca dala ng biglang silakbo ng

damdamin, at ninasa ni Maria Blanca si Don Juan, sa sobrang galit ibinuhos ni Maria

Blanca ang tubig sa bote at pinaandar niya muli ang kanyang mahika. Sukat doo'y

biglang bumaha sa loob ng palasyo. Ang lahat ay natakot sa patuloy na pagtaas ng tubig.

Nagkagulo at ang lahat ay nasindak, sa dahilang baka sila ay malunod.

Muling natauhan si Don Juan at nakiusap siya kay Maria Blanca na

Pakatiin at patigilin ang pagtaas ng tubig. Nangako si Don Juan na si Maria

Blanca ang Kanyang papakasalan. Nabagabag ang kalooban ni Maria Blanca, at sa

isang iglap ay parang himala na nawala ang tubig. Ito'y pinakati na ni Maria

Blanca.

Nang maging maayos ang lahat, minungkahi ni Don Juan sa Hari na

Magpakasal na sila ni Maria Blanca, si Don Pedro kay Donya Leonora at si Don Diego

kay Donya Juana. Ito naman ay sinangayunan ni Haring Fernando. Ipnakiusap ni Maria

Blanca kay Haring Fernando na sana lahat ng biyayang nakaukol kay Don Juan ay Ipag

kaloob din kay Don Pedro at Diego , at higit sa lahat ang kanilang kaligayahan kung sila

ni Don Juan ay magkakapiling sa Reyno de los Crystal. Ang kahriang iyon ang binigay

himatong ng Ibong Adarna kay Don Juan.

Ginayak ang kasal ng tatlo at sabay-sabay na ikinasal sila. Pagkatapos ng

kasal, nagpaalam na sina Don Juan at Maria Blanca na babalik na sila sa Reyno de los

Crystal, at sila'y naglakbay na patungo sa kaharian ng Reyno de los Crystal.

Pagdating nila sa Reyno de los Crystal, tinanggap sila ng mga mamamayan

bilang bagong Hari at Reyna. Para sa kanilang lahat mananatili sa kanilang alaala ang

Ibong Adarna.…..WAKAS…..

Mga tauhan:

Ang Ibong Adarna si Don Juan, Don Diego, Don Pedro, Haring

Fernando, Donya Valeriana, Donya Juana, Donya Maria Blanca, Donya Leonora,

Haring Salermo, Matandang Ermitanyo, Lobo, Higante, at mga Serpiyente.

Mga tauhan:

· Ibong Adarna - ang mahiwagang ibon

· Haring Fernando- ama Nina Don Pedro, Diego, at Don Juan

· Donya Valeriana- ina Nina Don Pedro, Diego, at Don Juan

· Don Pedro - ang panganay na ank ni haring Fernando

· Don Diego - ang sumunod kay Don Pedro

· Don Juan - ang bunso at ang determinadong anak ni Haring Fernando

· Haring Salermo- ama Nina Prisesa Juana at Maria Blanca

· Donya Leonora - ang prinsesa na ikinulong sa balon

· Donya Juana - ang kapatid ni Donya Leonora

· Donya Maria Blanca- ang Prinsesa ng Reyno de los Crystal

(Kaharian ng mga Kristal )

· Matandang Ermitanyo- ang Matandang tumulong kay Don Juan

Mga Talasalitaan:

1. kapanglawan-kalungkutan

2. tumok - makapal na damuhan

3. matatalos - malalaman

4. nakakaakit- nakakahalina

5. dinakma- kinuha

6. makahuma - makakilos

7. napagkit- nadikit

8. hiwaga - misteryo

9. nahahapis - nalulungkot

10. maghalinhinan- magpalitan

11. nagtitigan- nagtinginan

12. nabihag- naakit

13. nagpamook- nag-away

14. tatap- alam

15. ninasa - ninais

16. talos- nasaksihan

17. marahas- kilos na padalus-dalos

18. nagtungo -pumunta

19. naparam- nawala

20. pinukaw- ginising

21. pinakati - pinatigil

22. nagbulay-bulay-nag-isip-isip

23. naglaho - nawala

24. tinangay- kinuha

25. nag-aangkin - nagmamay-ari

26. pag-iimbot- paghangad

27. kinang- kislap

28. naatasan- nautusan

29. makamit - makamtan

30. binagtas- nilakbay

Gintong Aral:

· Maging mabait, at matulungin lalo na sa mga taong nangangailangan.

· Maging magalang sa mga taong mas matanda pa sa iyo.

· Mahalin ang iyong kapwa lalo na sa iyong kadugo.

· Huwag mong saktan ang walang ginagawang masama sa iyo.

· Huwag magtaksil o manloko sa iyong kapwa.